خدلك نفس... تواصل مع الصواف

يا ميت مسا عللى بكلامه العيون متونسه خدلك نفس اوعى تخلى هواه في صدرك ينحبس قالوا اللى مات م النعنشه راح يبقى ف القبر انكبس واللي ف حياته كان هباءً واتكنس يمكن يكون في الاخره مرضي بالحبور واللى افترى تلقاه بحسره في الصدور واللى بيعرف ان عيشته مؤقته ياخد نفس لكن وبس من نسمة هوا يلقى في صدره السعاده مزقططه وينبسط من غير سطل او سلطنه ويضوي قلبه بمفهوم السرور ماهو جه هنا او راح هنا هيجيله يوم يلقى الهنا لما القيامه تقوم لنا ومش بعيد وإوعى يوم تستعجله وعمرنا مانكون سوا اللى افترى عمله قاعدله مهلهلُه ناخد نفس ونبص له نشوف كتافه شايله ذنب الفرفشه ومالوش دوا ونقول نجينا مللى طلعت رغم طولها قصيره منفعش حد الافترا والمنظره واليوم هتفضل خلقته متغبّره ماهو اصله عدل ربنا باقى لنا ده بالخساره يتحسر ودا بعد صبره بينجبر واليوم ساعتها بألف يوم وارتاح يا إبني مهما دقت الطبول عالراس وبانلك ان ليلك راح يطول اطلع لنسمة فجر بارده مرطبه خدلك نفس ومهماشفت العيشه سوده مهببه خدلك نفس تلقى الحياه والشمس حلوه مدهّبه خدلك نفس ماهو يابني مره قد يكون آخر نفس خليه نفس فيه الرضا عشان تقابل ربنا وباللى قسمه قد رضيت رغم الضنى تلقى فى آخرتك الهنا ماهي كل حاجه مُسببه وعشان كده خدلك نفس يمكن يكون آخر نفس