لما البنت بترقص (تواصل مع نور الدين)..

لما البنت بترقص حاجه من اتنين ياحزينه بتتمايل عالجرح يالابسها شيطان ف الحالتين ولا بتقدم ولا بتأخر إلا الخطوه لكن واقفه ف دنيتها ف مكان بهتان كل الزهوه مش بتعدي ألوان الفستان لما البنت تبطل رقص وتفكر وبتبتدي قص للصور اللي على الحيطه ولبدل الرقص بتبطل زيطه وتفكر ان حياتها كأنثى جوه دماغها مش بالهز

شاعر

وقع الشاعر مات مقتول من غير جمهور أصل كلامه عمره مافهمه حد بسيط وقع الشاعر كان كلاسيكي وبيتكلم ليّ وليكي بكيوا عليه الناس ودعوله كسب الدعوه ومات مبسوط وقع الشاعر كان مظبوط لا هو غلبان وكلامه أغاني ولا ساحر لابس زعبوط زعلوا عليه الناس ودعوله زعلوا عليه الشعرا كمان أصله عرف يرسم كلماته وصلت للي اسمه الإنسان

يا لسه صغير

بتلعن بطاقتك لإنك مسن؟ ده عمرك صغير وتقدر تغير وتهدا وقلبك يبطل يئن تحاول تجلجل وتلقى شبابك وتنسى ال سابك وشمسك تصهلل وعقلك بيبرق وبكره يلاقيها ويقدر عليها ويبقى المدقدق ويمسك ف قلمه ويبدأ يفِن

يا خساره

ياخساره عللى زي القطر ما همه غير انه يبقى صح الصح في ظنه أغلى البشر لأصيل اللي يشيل همه واما اللي زي القطر للشر يتمنوا ياخساره عللي يدوق الصبر علشانك والفرحه عنده تكون يوم علِي شانك واما تنول حظك تنساه وتتدور دللي رميت عشرته ماعمره يوم خانك يا خساره ألف خساره عالزهوه والزاهي نجمك يا خل ارتفع وبقيت خلاص لاهي تنسى الجوار طيب والصدق والصحبه عجبي لقلب انفطر وانت تلاقيك ساهي

تيجي نتقابل

تيجي نتقابل طبعا اجي ده نفسي اشوفك واحط حروفي ف كفوفك واكتب فرحك واكتب خوفك وأوصيك دايما تتفائل تيجي نتقابل طبعا اجي واكون وياك واحس بغضبك ورضاك حتى سنوني بتستناك تكتب بيّ كلام م العاقل تيجي نتقابل طبعا اجي واقول واترجم وافضل على طوعك ولا احرجم دحنا ثلاثي قلم وكتاب والشاعر ف القلب شباب يكتب وف همه ماهوش سائل تيجي نتقابل

يا مصر

يا مصر يا ست الكل مهما مرغوا راسك بوحل دماغهم ال مش بتشوف ويفضل حسنك الغلاب ف وسط الوف وأما السوء فده قلب ال يوم داسك وبكره يهز قلبه الخوف وتلقي السكر الشربات ملا كاسك وتعلي بقلبنا الملهوف ماهو نفسي ال ما يحبك يسيب أرضك يعيش في بلاد بيهواها ماهو مهفوف ونلقى أرضنا رجعت ل بس اللي يحب الأرض يصون العرض ويعمل ليها 100 خاطر وبيخاطر ومانتش لل منفعجي وعايز خيرها عالمرتاح ونلقاه راح نقيم الفرح والأطفال تعلق ورد وكل عرايس الوادي تحني كفوف