أبوس تراب الطيبه

يعفرني

يغبرني

ويمكن يوم يكفرني

ويوم تاني أشوف عيشتك

ويضحك دمعي على خيبتك

ومهمن كان ولا يسعني

سوى قلبك

واهو مسيره هييجي اليوم

يدوب جلدي

ويبقى ذره ف ترابك

فيبقى اللي طرف عيني

من احبابك

فاحب العفره في عيني

وعلى جبيني

يا عشقه مدوبه عنادي

ده من سابك

مهوش ناسي

وأحيانا عليكي ألوم

واعاتب نيلك القاسي

وأبعد تاني

ألقاني

كما المكلوم

واعيش فيكي بإحساسي

وتبكي عيوني ف سهادي

واقول يا غربه يا مهببه

وليه بيقولوا ده العادي

يا فرقه يا جايه وقريبه

وبتطولي وتتمادي

واحوش عمري طوال العام

لشهر اعيش مع ولادي

وأبوس تراب الطيبه

ولا طولهوشي ف بعادي

وحشتيني

وحشتيني يا غاليه يللي ما لحقتيش يضمك قلبي أو عيني وبيني وبينك انتي وبس محدش غيرنا سامعنا أنا يا حبيبتي منستكيش ولا ناسيه ف يوم ماخدوكي من حضني بدال صدري مابيضمك يضمك توب بلون ابيض وصلوا عليكي وفاتوني ايديا لسه ممدوده وحسّاكي محدش غيري خالص حس عينيا لسه شايفاكي ودمعتها ف عيني لسه مكدوده ودعوة قلبي لولادي نصيبك فيها على إسمك مانا يا حبيبتي ضميتك وسميتك وقبل فراقنا حبيتك وحشتيني دعيت ربي ونا ف الفجر ألاقيكي وبتمنى ف ليلة القدر ف يوم محيا أناديكي وتسقيني وتسقي أبوكي بإديكي وإخواتك بيتلموا حواليكي وتاخدينا على بوابة الرضوان وتدعي وتشفعي لينا ونتجمع ف جنه وبرضا الرحمن أضمك جوه جوايا ونتهنى واعوض قسوة الحرمان يامن كنتي جمال هادي وعين نامت مبصتليش وبحلفلك يابنتي إني منستكيش وحشتيني

يا رسول الله

ايا رسول الحق والحق خالد ورسالتك في كل قلب صامد مهما تناسوا وارتضوا بالمظهرِ فاتوا بحجة الإبداع لب المخبرِ فرسالتك بوضوح قد أديتها وما من حجة تبقت بعدها أنت الذي بينت ما حاك لنا حرمته حتى ليصلح حالنا فاشفع لنا عند الكريم الواحد

أيها الكاتب الساخر

احيان كده احتاج ...اضحك آجي عندك واقرا الكلام واضحك واسيب الصفحه ازعل تاني ارجع هنا واضحك العيب مش هناك العيب هنا عندك ليه لما بتكتب مش بتخلي الضحكه طويلة المفعول

أمل

لما الإيمان حلاّه نور اليقين دام الأمل جوه قلوب مؤمنين وازاي يروح و ببندهه يا حي وبالإجابه يكون المؤمنين واثقين ولما يأس المواقف يطغى على قلبنا نرجع نقول ابدا عمره ما كان سلونا وازاي هنيأس وسندنا هو الصمد يبقى بيقيننا نعيش باقي سنين عمرنا ولو تشوف العين كاس الأسى داير يخلي قلب الضعيف ف المسأله حاير لكن يقين القلب ينده يقول يا عزيز يبص يلقى الروح هله عليها البشاير

عد وشوف غلطاتك وغلطاتي وكام مره عفيت عنك وانا المجروح ولا يسمع نحيب قلبي وآهاتي سوى قلبي ولا اشكي لو اكون مدبوح ولو ما يشفع الماضي ومرّاتي هصدق ان عمري رخيص وهمشي واروح

سيادة الرئيس

سيادة الرئيس كلامك يخلى الحياه هردبيس يخلى التراوه هتقلب فطيس وفرحان هيقلب بفضلك تعيس سيادة الزعيم ياغايب ودايب فى فرش النعيم وسبت الغلابه فى ايد اللئيم هتقلب بعوجه وما تستقيم سيادة الهمام وفاكر زعامتك شوية كلام وعايز نقول لك يافندم تمام ومالك فى اهلك خير او سلام وبس الاعادى لهم الابتسام سيادة الامير الفخيم الجليل وصاحب رياده وصاحب جميل وشعبك مايلقى اقل القليل دوام السياده امل مستحيل وياريت سيادتك بقى تستقيل ويبقى لجنابك شكرٌ جزيل

قلبت الحكاية على دماغ الغلابه هم اللى غلطوا وهم الهبابه واه يا وطن ماحدش فاضيله وانت تحاول عشانه النهوض وهما فى طينه وشاريين ترابه ده غلبان معفر وعاجز مكسر مخاخهم فى نظرك تلهيها كوره وذمه شبهها حرامى الماسوره ولولا وجودك يروحوا فى حديد طب ادى ايديه ماددها لايديك انا من مكانى بنادى عليك بقول السواعد كتيره وقويه وخير البلد دى انا استاهله لىّ وهات لى عمل وانا اديك امل ولو مش فى ايدك تدقق وتتعب ومش لاقى حيله غير ان انت تنهب يبقى تسيب المكان واستقيل وانا اللى حاسبنى جربوع فقير هاثور عالبطاله وهعوض كتير واشوف لى مجاهد برأيه استنير ويبقى رئيسى وابقى له خير وبكره ميزان الحق العليل هيعلا وعمره مايرجع يميل ويللا بقى ماتروح تستقيل

اهداء الى كل راع مش حاسس انه مسؤول عن رعيته

وآه يا جميلة الجميلات

ومين يا جميلة الجميلات عمل حاجه محدش حيلته غير كلمات ونايم جوه تلاجه ولاموا جميله صابها سهم الانتهاكات يا رجالتك! وبتلوموا على حُرمه وكان ليها زمان حُرمه عشان لما الديابه خدتها للظلمات كانوا الرجاله ويا نور وصاحبها ونانسي احلى وللا هايفه كسبتها وأغنيه لامريكا وموسيقى ورقصه حلوه تركيه تسيب حالك وتجري لجل تلحقها تقوله السمرا دي بهيه يقول ياعم! ادي الحلوين وفي الشاشه حمار وحلاوه وبشاشه وبس يلوموا ويقولوا ماعادت أم بقت فاجره وشرف ضايع وحالها يغم يا رجاله ولابسه جيوب وسياله ومعده تلم في زباله وبس مزاجكو هو الهم ماهيش واحده وسبتوها ما نسوانكم تركتوها بتتلزق في وسط الزحمه في الاوتوبيس وعارف طب أكل عقلك خلاص ابليس! ويبقى ليه هنستغرب ولا نزعل ونتعجب ده انتو اللي بعتوها تعبتوها وحزنتوها ولا ريس ولا حكومه ولادها خبيتكو بالكومه ولا نلومشي على من يمشي جوه السكه مرسومه كما نمشي وفرق الخطوه ده من ده دهوه م الشعب ده حكومه

تخريفه

الكلمات المتقاطعه عايزه الحريف معكوسه مبعثره متشابهه الطف يا لطيف الدنيا لوحة مرسومه كلها تخريف مدهوسه معطره او شُبهه ممكن تزييف حرف موسيقي معنى صديقي أو حلم مخيف وان قلت خلاص..توسع حواليك تتحدى النور الباين ف عينيك وتقول لك من تاني وتاني العب يا خفيف

ومضات

اللى اتولد وف لحظه مات كان بنيه صغيره جوه عينى هى كانت زي حتة سكره من وهى جوه بطنى زاد فى قلبى حبها كانت اما تغيب شويه كنت بشتاق خبطها بس ربى لقاها غاليه ربى هو اللى اراد حط بنتى ف جنه عاليه شوقها جوه ف قلبى زاد والامل يوم هلتقيها فى جنته ربى اصله رحمن بالعباد ياللي اتخلقت من طين يكفاك من الدنيا .. شوية طين يعفروا جبينك ويطرفوا عينك تدمع بيهم.. دمعتين اتنين واحده هتغسل ضميرك غيرها تضوّي الحنين وترجع تاني بعد العمر شوية طين ! بعيش وبتعلم جرح الخطايا ف روحي بيعلم وحتى نور الفرَح جوايا متعلم نار الفراق لوعه ف النفس بتعلم واما بلاقي الوداد..القلب يتعلم ولما صاحبي يقع بشده وأقول له.. تعيش .. وتتعلم لما تبقى نِفسك شيء وما تقدرش وتتمنى ومايحصلش وبتدوَر على أحباب ولا تحصّلش هتعمل ايه ولا حاجه تسلم أمرك كله ليه وتحمد ان جت فى حاجه غير حاجه وعافت لك 200 حاجه وترجع برضه قول يارب اسلم وارفع ايديه الاتنين لفوق بقول يارب يوم خلينى افوق انسى الاسى م الناس والاقى دمى يروق واقول مسيرى الاقى اللى يجينى بذوق يحط ايده ف ايدى وللحلاوه ندوق واقوله ياسيدى جتنى بأمل و شروق وجدت نفسى بشر وياك ولىّ حقوق وانزل بايدى واقول بطلت انام مدعوق

غربه!!

يا وِلدي هي الغربه ايه؟ حبة دموع.. وظلمه تبحث فيها عن نور الشموع وانت مسافر بالوداع عايش فى دوامة الضياع وتيجي ترجع ماتلاقيش جواك قرار بالانصياع ولو هتفضل مستكين لظلمة الكرب المهين وتقول ده لسه عالهدف حبة سنين يبقى كده انسى الرجوع وانسى حياة المرتاحين مهما تجيب مش راح تلاقي اللي يعوض غربتك ولا راح تحس اللى رميته ف سكتك مش راح تعود البسمه تاني وبهجتك حتى القلوب خلاص هتنسى محبتك وانت في ايدك الاختيار اما تعود وللا خلاص القرش غيّر دنيتك واحنا لدلوقتي رضينا الإنتظار بس بوعود وانت بقى عليك القرار وياريت تعود

وآاااه يانى

يا تاعب قلبى بكلامك من الانين والوجع ياريـت الـلى يـقرا كان عن قساه يـرتجع لــكن يـشوف مايشـوف ولـا تـفرق معاه متعـته فى الحـياه لـغـيره يـثــــير الــفزع وآآآآآآآآآه يانى