يا بني انطق

ياللي الهوى صنعتك اما الغنا لعبتك واما يحين الجد تهرب على وحدتك ياللي لسانك يقول وفي القصايد يطول ولما ييجي الحبيب صمتك مهوش معقول ياللي الغرام فايتك وهي دي حكايتك واحده ومتكرره مالك سوى مرايتك ويجرى ايه يا جدع لو سر قلبك طلع وقلت منه حديت طبيعي مش مصطنع آه السكوت حكمه رغيك مالوش لازمه لكن فبعض الاحاين صمتك يكون ازمه لو قلب يستناك ليه تتعبه وياك يعني رضيت تبكيه وللا الغرض ينساك يابني ده سلو الرجال عشان مايمشي الحال لزما يقول اللسان كلمه تقيم الوصال خلاصه انا قلتها تتهنى لو خدتها واحلف ماتلقاني جيتلك وكررتها عقلك سبب كاسك عرفت بيه خلاصك ولو تشيل قربه هتخر على راسك