عارف
لما الدنيا تضيق
والأحزان تتمد
والقى الروح زعلانه وحيده ومالهاش حد
برجع أفكر فيك
واسند ضعفي عليك
والقاك حلم رقيق
ورد وشمس وبحر ونسمه
وكلام أخد و رد
عارف
لما امبارح كنت حزينه
فاقده لأغلى صديق
وللا ف يوم ماحبايبي فاتوني أغرق ساعة الجد
برجع أفكر فيك
واسند ضعفي عليك
القى الدنيا بقت مبتسمه
فاتحه بيبان الود
عارف
لو مش عارف بص في عيني
شوف ازاي قلبك مراضيني
ده انت يا غالي حياتي وعمري وانت نجوم السعد
دايما أفكر فيك
واسند ضعفي عليك
دايما جنبي وواخد ايدي وصبرك مالهوش قد
