عاد من عمله فدخل ليغير ملابسه وأعدت زوجته المائدة جلسا سويا وبدأ الأكل - هممممم الرز يجنن يا زكيه والملوخيه آخر ظبط تبتسم ولا ترد يتناول قطعة من صينية البوفتيك الذي بدا شهيا - اللحمه شاطت منك النهارده شويه؟ تندفع كأنما هي مستعدة وفي حالة تأهب سابق - فين دي اللي شاطت ماهي زي الفل اهوه وبصلها ابيض قدامك - هو يعني جرى ايه .. ابقى خدي بالك بس عشان التقطيع البوفتيك ده بيبقى روقيق وممكن يشيط على طول تقضم قطعة وتنطلق كالمدفع - اللحمه زي اللوز اهي فين الشياط ده يقوم غاضبا ويأخذ في السباب والصياح فيخرج الأبناء من حجرتهم تقول لهم دامعة : - معلش ياولاد ابوكم عصبي بس هستحمله برضه عشان ماهو ابوكم ******** الأبناء قد كبروا فتاة تزوجت و.. - أنا هموت م الجوع يا سكره حضري الأكل بسرعه تعد المائدة ويجلسان سويا - تسلم ايدك الأكل جميل .. بس اللحمه شاطت شويه؟ "آه شاطت عايز ايه يعني".. تقولها في سريرتها لكنها لا تنظر اليه ولا ترد عليه بكلمه.." بصراحه ان كان عاجبه ياكل مش عاجبه يسيبها ابقى اعشي بيها العيال" الفتى يبحث عن عروس وتجد له أمه زينة البنات ويذهبا لزيارة أسرتها يدور الحديث في اتجاهات كثيرة ثم يأخذ العروسان ركنا ليتناقشا في هدوء عسى أن يتفاهما ويتعرفا أكثر إلى بعضهما - أنت ايه شروطك في الراجل اللي تتجوزيه - أممممم وسيم ذكي كريم يفهمني وافهمه ... واهم حاجه الحنيه وانت؟ - أنا أهم حاجه عندي ان مراتي يوم ما اللحمه تشيط منها تعترف وما تنكرش - نعم! - اصل طعمها بيبقى باين وانكارها بيبقى يغيظ - !!!! تقوم في عصبية وهي تنظر الى من احضرته لها في غل وتقول لها من بين اسنانها - انت جايبالي واحد مجنون؟! يحمر وجه الأم ... لكن لا تستطيع الرد
